الأحد 29 ديسمبر 2013

عشان نكتب دستور 2012:
روحنا استفتاء المجلس العسكري، عشان نختار الدستور ولا مجلس الشعب الأول
و بعدين، الناس اختارت نختار مجلس الشعب، و بعدين مجلس الشورى، و مجلس الشعب و الشورى يعملوا جلسة مجمعة، و يختاروا الناس اللي ح تكتب الدستور في "جمعية".
يعني، كل واحد أخد كرسي في جمعية الدستور، كان بعد ما عضو مجلس شعب نجح في الانتخابات و بقى بيمثل 100-500 ألف واحد بشكل شرعي.
و بعدين اتجمعوا، و كل واحد منهم ادى صوته لشخص بعينه. عشان يكون ليه كرسي في كتابة الدستور.
كان الخلاف الداير وقتها:
- عدد كل فريق من ليبراليين و إسلاميين أصوليين، و إسلاميين و سطيين، و علمانيين، و نقابات، و كنيسة ، و أزهر، ... إلخ
دي كانت أكبر المشاكل، في النهاية، دور الإخوان المسلمين، كان بالتأثير بقدر نجاحهم في مجلس الشعب يعني أقل من 40%... ده يمكن خلى تمثيلهم أقل من 15% في الجمعية كلها.

المهم، ان كل واحد قعد على كرسي كتابة الدستور 2012 كان "منتخب" ،
و اللجنة اتشكلت على عين "المجلس العسكري" مش مرسي، و التقسيم برضه على عين المجلس العسكري، مش مرسي.

مرسي كل اللي عمله:
لما المحكمة الدستورية حلت مجلس الشعب، و بقى واضح ان العملية كلها ح تفشل، بسبب الإعلان الدستوري المكمل من المجلس العسكري، اللي خلا مرسي ما يعرفش يعين حد ولا يرفد حد في القصر بتاعه.
قرر مرسي "يحصن جمعية الدستور المنتخبة"
حفاظا عليها، و في كل الأحوال ناتج عملها بيعرض على الشعب.
و لأن الجماعة اللي ما كانش عاجبهم تمثيلهم في الجمعية، عايزين كراسي اكتر...

في 2013:
تم استبدال الجمعية المنتخبة ب "لجنة" معينة.
لجنة يعني شوية موظفين، فكان طبيعي مثلا تلاقي التوزيع غريب الأطوار، مثلا الفنانين لوحدهم اللي في اللجنة:
ليلى علوي، إلهام شاهين، عزت العلايلي، أحمد بدير، مصطفى كامل، مدحت صالح، هاني سلامة، خالد يوسف.... يعني قربوا على 10% من كراسي كتابة الدستور... ممثلين؟ غير منتخبين؟ بيمثلوا مين؟!
في منهم كانوا لجنة استماع... انت اصلا مش عارف مين كان فيهم لجنة، و مين لجنة استماع... لأنه في النهاية، كام واحد كان بيكتب الدستور هو شخص منتخب من كام 100 ألف صوت انتخابي حر زي الدستور بتاع المجلس العسكري 2012...؟ أو حتى أخد صوت انتخابي واحد، و بيمثل حد من طوائف الشعب أساسا؟
ج: صفر.

يعني: 2012:
انت عديت بكذا انتخابات أصلا عشان كل واحد في الشعب يكون في حد "شكله" و "شكل" أهله. و كمان بشكل "منتخب".

في 2013:
انت اصلا مالاكش رأي، احنا قررنا نعمل دستور قبل مجلس الشعب، و احنا برضه قررنا نعمل "لجنة" من موظفين، بدل "جمعية" من منتخبين، و احنا برضه قررنا ان التقسيم يبقى نسبة كبيرة جدا منه للممثلين و الفنانين...

انت في2011- 2012:
كل حاجة كانت بأمر الشعب.
الشعب هو اللي بيقرر.

في 2013:
انت مجرد ممثل ح ينضم للقافلة المباركة.

اجراء تشكيل اللجنة، أصلا باطل، مافيش فيهم واحد منتخب.
في نفس الوقت اللي نقباء مهن مختلفة بيتم القبض عليهم، و ما بيتمش تمثيلهم اساسا في كتابة الدستور.

يعني 2013، دستور شوية حرامية، اختاروا شوية ممثلين، و موظفين عشان يكتبوه... و ناقصهم ممثل واحد كمان في الحدوتة دي...

سعادتك.
ادي صوتك... بنعم أو لا، انت مشارك في المهزلة دي كلها.
دم الناس، و عرض البنات، و سرقة مقدرات الشعب و حريته... انت كمان شريك فيها.

فاضل عليك تنزل "تمثل" و تاخد معاهم الجايزة...

#أنا_مش_ممثل
#أنا_مواطن_وليا_حقوق
#مقاطع
مش ترفع، بس عشان ما بني على باطل، هو باطل
ما بني على دم و ظلم و سرقة، ف المشارك فيه مشارك في الجريمة.
أحمد عبد الحميد

 
 
   Bookmark and Share      
  
  ليه المشاركة في الدستور جريمة؟

dyn-web.com

أفضل مشاهدة بدقة 768 *1024 أو أعلى باستخدام فاير فوكس أو انترنت اكسبلورر 7